«Үздік биология пәнінің мұғалімі-2010» атты аудандық байқаудың
ЕРЕЖЕСІ
1.Жалпы ереже
«Үздік биология пәнінің мұғалімі-2010» атты аудандық байқау биология пәні мұғалімдерінің біліктілігін арттырудың тиімді жолын іздеуге, аудандағы нәтижелі әдістемелік жұмыстардың үлгісін іріктеуге бағытталған.
Байқаудың мақсаты: Шығармашылықпен жұмыс жасайтын биология пәнінің мұғалімдерін анықтау, қолдау көрсету және олардың кәсіби дамуын, жаңашыл тәсілін жинақтап, қорыту.
Байқаудың міндеттері:
- биология пәнінің мұғалімдерінің кәсіби қалыптасуына көмектесу;
- биология пәнінің мұғалімдерінің оқу-әдістемелік жұмысын, жаңашыл тәжірибесін анықтап тарату, жаңа бастамаларына қолдау көрсету;
- биология пәнінің мұғалімдерінің әлеуметтік беделін қолдау;
- Байқауды ұйымдастыру және өткізу
Байқауды ұйымдастыру және өткізу мақсатында аудандық білім бөлімінің жанынан тұратын ұйымдастыру комитеті құрылады.
Ұйымдастыру комитеті:
- байқауды өткізу мерзімін анықтайды;
- байқаудың қазылар алқасын құрайды;
- байқаудың қорытындысын шығарады.
- Қазылар алқасы байқаудың жеңімпаздары мен номинанттарын анықтайды.
Байқауға кез-келген білім ұйымының биология пәні мұғалімдері қатыса алады. Қатысушылардың еңбек өтілі – 3 жылдан кем болмауы тиіс.
Әр мектептен 1 қатысушыдан жіберіледі. Сайысқа қатысу өтініші 2010 жылдың 20 желтоқсанына дейін қабылданады.
- Байқуды өткізу кезеңі мен мерзімі
Байқау 2 кезеңде өткізіледі.
Өткізілетін орны: №46 А.С.Пушкин атындағы орта мектеп базасы
1 кезең – Теориялық- әдістемелік шеберлік сайысы. 24 ақпан сағат 15.00
биология пәні мұғалімінің теориялық білім негізіне тест жүргізу.
(Педагогика (10 сұрақ), психология (10 сұрақ) және биология пәні бойынша (40 сұрақ), уақыты- 45 минут)
Тест тапсырмаларының бағыттары:
- Ботаника;
- Өсімдіктер физиологиясы;
- Зоология;
- Анатомия;
- Гистология;
- Цитология;
- Генетика;
- Жалпы биология;
Бірінші кезеңнің қорытындысы бойынша жоғары балл жинаған сайыскерлер келесі кезеңге өткізіледі.
3. кезең – Практикалық әдістемелік шеберлік сайысы.
1.«Шығармашылық сабақ» таңдалған сыныптарда ашық сабақтар өткізі. Уақыты - 45 минут (алдын-ала сабақ жоспарларын ұсыну керек) 12 наурыз сағат 9.00;
Сабақты бағалау өлшемдері:
- Сабақтың мақсаттары мен міндеттерін анықтай алуы ;
- Сабақтың ғылымилығы;
- Пайдаланатын әдіс-тәсілдердің жаңашылдығы;
- Өзіндік шығармашылық ізденісінің көрінуі;
- Сабақтағы іс-әрекеттерді ұйымдастыруы;
- Көрнекі құрал-жабдықтарды сауатты, тиімді пайдалануы;
- Сабақ кезеңдері арасындағы байланыс;
- Өзектілігі мен өмірмен байланыстылығы;
- Сабақтың жалпы мақсатқа жету айқындылығы;
- Уақытты тиімді пайдалануы.
Басым бағыттары:
- АКТ пайдалануы;
- Технологияландырылған сабақтар;
- Зертханалық сарамандық жұмыстар;
- Проблемалық және зерттеуге бағытталуы.
2.«Шығармашылық жұмыс ізденісі» өзінің шығармашылық жұмысын қорғау ( электронды презентация қорғау уақыты 10 минут) 13 наурыз сағат 10.00;
Шығармашылық жұмысты бағалау өлшемдері:
- Шығармашылық қабілеттілік;
- Ғылыми-тәжірибелік;
- Шығармашылық жұмыстын ұсынылу дәрежесі.
Басым бағыттары:
- Тұлғаға бағдарланған;
- Нәтижеге бағдарланған.
3. Идеялар аукционы: оқыту әдістемесін жетілдіру жолдары (қорғау уақыты 10 минут) 13 наурыз сағат 15.00;
Әдістемелік идеяны бағалау өлшемі:
- Теориялық маңыздылығы (жаңалығы, негізділігі, болашағы);
- Практикалық маңыздылығы (құндылығы, тиімділігі, қарапайымдылығы, сынақтан өтуі)
4. Байқаудың мазмұны
Байқау кезеңдері мұғалімнің орындаған тапсырмасының мазмұндылығы, пәнді оқытудағы әдістемелік жұмысты ұйымдастыруы, тәжірибесімен және теориялық- практикалық білім деңгейін анықтауға бағытталған.
5. Байқаудың қорытындысын жүргізу
Байқаудың нәтижесі бойынша жеңімпаздар (1,2,3 орындармен) және жаңашыл мұғалім, шығармашыл мұғалім, мұғалім – оптимист, эрудит-мұғалім, шебер-мұғалім номинациялар бойынша анықталып, аудандық білім бөлімінің және білім қызметкерлерінің кәсіподақ комитетінің мақтау қағаздары және бағалы сыйлықтарымен марапатталады.